KTVmohoro

Atongoria a mwena wa Rift Valley kuuga mumbunge Alfred Keter arekererio

Thiku imwe tu thutha wa guikio ngono agikuruhanio na njama ya kungumia bengi ya bururi kimanjika gia ciringi milioni 633 na njira ya kuneana treasury bills cia maigirira,  mumbunge Alfred Keter nieteteire na kuuga ni njama ya kumuthukiria ritwa.

Keter augite kwina andu makoretwo makinyitanira na aruti wira bengi-ini ya nene ya bururi niguo kuhithania mamirioni ma mbeca iria itarihitwo ene riboti iria inyititwo mbaru ni aruna ake kuuna gicigo-ini kia Rift Valley aria riu marenda akorwo akirekererio.

Ni muthenya wa keeri ceceni-ini ya borithi ya Muthaiga  kuria mumbunge wa Nandi hills Alfred Keter na angi eeri mari  matari marona kamweneni ka uria mangiuma cero-ini iyo thutha wao guikio ngono magikuruhanio na gutwara treasury bills cia maigirira bengi-ini nene ya bururi.

Na thutha wa gukira kwa ihinda , umuthi mumbunge Alfred Keter niaheanire murugamo wake kumana na mateta macio kuria augite ni njama ya kumuthukiria ritwa nigwo mbeca iria ciungumiirio bengi-ini iyo itakamenyeke.

Show More

Related Articles