Kameme FmKameme Fm News

MCA wa wardi ya Kagundu-ini Murang’a gukinyio igoti-ini ni kwamukira mbeca na njira ya ngungo

MCA wa wardi ya Kagundu-ini Kaunti-ini ya Murang’a niakinyitio igoti-ini agumiirwo na thitango igiri cia kwamukira mbeca na njira ya ngungo. Peter Mburu uria rimwe wiitaga Walter Mburu Wamuthoni athitangiitwo na ihitia ria kwamukira muigana wa ciringi mirioni 1.2 kuuma kwi gikundi kia Gatitu Self Help Group akihenania niegucionjorithia uguri-ini wa share. Ningi niathitangitwo na ihitia ringi ria kwamukira ciringi ngiri 460,000 kuuma kwi mwonjoria Sabina Gathaiga Akihuthira wara o ucio. Ona kuri uguo niakanite thitango icio mbere ya mucirithania Martha Mutuku uria umurekereirie na bodi ya ciringi ngiri 800 kana mbeca baribari ngiri 400. Ciiira ucio ukagwetwo tareki 14 mweri ukite.

Show More

Related Articles