Kameme FmKameme Fm News

Mumbunge Junet Mohammed gwikora haceke thutha wa kunyururia thirikari mbunge-ini

Mbunge niicokereirie umuthi miarahuko na kuhitukia amemba aria megukorwo kamiti-ini ya kuramata mihang’o ya mbunge. Hamwe na aria mahitukirio gukorwo kamiti-ini iyo, ni mubunge wa Kipipiri Amos Kimunya, Kawira Mwangaza, Omboko Milemba, Loise Emankor, Mishi Mboko, Dr Mulu Makali na angi. Mutongoria wa aria aingi mbunge-ini Aden Duale niwe utengemanirie maritwa macio, na kunyitwo mbaru ni mutongoria wa aria anini mbunge-ini John Mbadi.

Hau kabere ambunge a mung’ethaniro nimatetire thutha waao gutunywo arangiri na ngari, hindi ya mungururio uria wiiriga wa atongoria a NASA aria megiritanagia na gikundi giikirire mukaana kia NRM.

Kahinda-ini o kau mumbunge wa Suna East Junet Mohammed atigirie ha nyeni na marigu guikio nja ni speaker, thutha waake kuhuthia na kunyururia thirikari.

Show More

Related Articles