Kameme FmKameme Fm News

Mwiri wa mwanake umwe kuonekana utetwo mugunda-ini thutha wa kuuragwo, Maragua

Mwiri wa mwanake wa ukuru wa miaka 20 na uria ni mutwarithia wa boda boda kuuma itura-ini ria Wathiani kurigania na tauni ya Sabasaba mwena wa Maragua, niwonekete  utetwo mugunda-ini wa thaara thutha wa kuuragwo ni ekinai aria maracokire gwithara na biki biki yake.

Mwiri wa mwanake ucio na uria ni wandigwa, urari na nguraro cia guthecangwo na tuhiu uronekire ituura-ini ria Gakarati riria ririgainie na tauni iyo ya Sabasaba. Mwiri wake uronirwo ni ehitukiri kuria andu a nyumba yake matariirie ati arahuriirwo thimu e mucii ni mundu utoikaine gukiroka guthereruka.

Na kurumirira ngero iyo atwarithia a boda boda na muingi wa mwena ucio ni makaiire borithi kumahe ugitiri makiuga atwarithia kihiiri a boda boda ni makoretwo moragitwo na biki biki ciao kuiywo.

Show More

Related Articles