Kameme FmKameme Fm NewsKameme NewsKTV

Thirikari cia matuura kuongererwo kigina kiria igayagirwo ni thirikari nene

Thirikari cia matuura niciguthukirwo kimanjika gia ciringi bilioni 368, iria ni nyongerera kuuma ciringi bilioni 326 iria mathukiirwo mwaka muthiru. Munini wa mutongoria wa bururi William Ruto, uria uracemanitie na kanju ya magavana iria irumbuyanagia na ugai wa kigina, mucii-ini gwake Karen; niaugite riri nirio riita ria mbere, ria thirikari nene kuigwithania na thirikari cia matuura iguru wigie ugai wa kigina kiu hatari na ngucanio.

Oho Ruto nioritie thirikari cia matuura ciitheme uteti wa maigirira, uria ukoretwo ugicungiriria kaunti nyingi kuremwo ni kuungania igoti na njira njega, na kaunti ingi kuhuthira kigina giacio na njira itaagiriire.
Hindi ya mucemanio ucio, muikariri giti wa kanju ya magavana Josphat Nanok hamwe na Gavana  wa Kitui Charity Ngilu nimaragathiriirie itacukia riu, makiuga meena mwihoko magavana nimekuhota gutungata icigo-ini ciao na njira njega.
Show More

Related Articles