Kameme FmKameme Fm News

Murutwo wa university ya Murang’a gukua thuutha wa kunywa ndawa thuutha wa gutigwo ni muiritu marari ndugu

Murutwo wa miaka 21 uria urari mwaka-ini wa gatatu university-ini ya Murang’a ni arakuire akirigitwo thibitari ini ya Murang’a thutha wa kunyua ndawa ya mbia niundu wa gutigwo ni murutwo marari ndugu na uria urathomagira university-ini iyo.

Joseph Ngando Mwangi uria ni murigitani thibitari-ini iyo, atariirie ati murutwo ucio uria ukurikanite ta Derrick Kiprop Sumbarei kuma mwena wa Rift Valley, araguthikirio thibitari-ini iyo ithaa-ini ria thaa inya na nuthu cia utuku ni arutwo aruna ake ehiirwo na atekwiigua, no arahuruka thutha wa mathaa meeri akirigitwo.

Murutwo ucio aranyuiriire ndawa iyo nyumba kwa murutwo ucio mwendwa wake uria wi mwakai-ni wa keeri itura-ini ria Kiharu kurigania na university iyo.

Sammy Nyamita uria ni muratawe wa mutigairi, ni atariirie uria muiritu ucio aramumenyithirie ati nianyua ndawa na kuhiuka gwake no aratungana nake akiigaragaria mukira-ini wa barabara ni ruuo na kumuguthukia kiriniki iri hakuhi matanacoka gwathwo mamuthamirie thibitari-ini ya Murang’a.

Nake Felix Kimotho uria ni abithaa munene wa ugitiri University ini iyo ni ekirite ndeto iyo mukonde na kuuga ati borithi nimambikite uthuthuria wa gikuu kia murutwo ucio uria urathomaga mathomo ma Software Engineering, o riri nake muiritu ucio uria umite mwena wa Gicua-ini na uthomaga mathomo ma Mathematics na Economics ahetwo motaaro ma counseling niguo kumuhotithia gwitiria undu ucio.

Oho Kimotho ningi nioritie arutwo guteaniria maundu ma wendo na ithenya-ini riu gwikirira mathomo mao.

Show More

Related Articles