Kameme FmKameme Fm NewsKTV

Joseph Boinet na George Kinoti kwaga gwikinyia igoti-ini tauria marathitwo

Munene wa borithi Joseph Boinet na munene wa ruhonge rwa CID George Kinoti, matinekinyia igoti-ini ta uria marathitwo muthenya wa ira ni mucirithania Luka Kimaru. Boinet na Kinoti matumire arugamiriri ao Nicholas Mutuko kuuma wabici-ini cia thitango ya Muingi, na Amos Omuga kuuma wabici ya CID. Eri acio maraathitwo mekinyie gutariria kiria gicungiriirie Miguna Miguna age guthitangwo kana kurekererio ta uria igoti riathanite. Mutuko nierire igoti Miguna Miguna niakinyirio igoti-ini ria Kajiado na athitangwo na ihitia ria kunyuithania muma mugaru na watho ohamwe na gukorwo ari mumemba wa gikundi gikiriire mukaana umuthi kiroko. Mawakiri na arumiriri a Miguna Miguna megwikinyitie igoti-ini inene ria Milimani magiiciria nikuo egutwarwo. Igoti niriatha obici ya thitango cia muingi gwikinyia igoti-ini thaa thita niguo gwikira mukonde kana nima Miguna niathitangirwo.

O turi igoti-ini niati watho ni urutirwo wa kugiria borithi matigaikie ngono ateti a NASA James Orengo, George Aladwa, Simba Arati, George Khaniri, Noman Magaya, Gladys Wanga, David Ndii, Babu Owino na Oduor Ong’wen. Othe acio nimathwo ni igoti magekinyia giikaro-ini kinene gia CID muthenya wa Kana thaa ithano. 

 

Show More

Related Articles