Kameme FmKameme Fm News

Muthuri kuuraga mutumia wake hamwe na mundurume ungi githagathago-ini kia wendo

Muingi wa itura ria Kanderendu Ward-ni ya Kangari mwena wa Kigumo kaunti-ini ya Murang’a nduri urathirwo ni kimako thutha wa mundurume umwe kuraga mutumia wake gukiroka guthereruka, e hamwe na mundurume uria urerikana arari mwendwa wake wa keheri-ini, thutha wake kumahobaniria me toro nyumba-ini kuria mundurume ucio na mutumia wake mahetwo giikaro.

Thutha wa gutabania ngero iyo mundurume ucio ni etharire ona gutuika niarethanwo nake ni borithi.

Agikira ndeto iyo mukonde, OCPD wa Kigumo Ibrahim Mchuma atariirie ati mundurume ucio uria umite mwena wa Turkana na ukurikanite ta Simon Tuya Ekare arutaga wira wa wocimeni itura-ini riu, na ati ahundukire mucii ithaa-ini ria thaa ikumi gugikia na gukora mutumia wake Esther Akiru Ayenee uria onake umite mwena wa Turkana mena mundurume ucio uria utakurikanite, na thutha wa gukanirira amatharikira na kumarumia na thimbu na makua hau hau.

Show More

Related Articles