Kameme FmKameme Fm News

President kwamura ndundu yake njeru ya aminister

Thutha wa gweterera kwa ihinda ria hakuhi mieri iiri, mutongoria wa bururi Uhuru Kenyatta nianiriire ndundu yake ya aminister, kuria amwe aria marari aminister mamuritwo ta mabarothi. Ihinda-ini oriu President athundura giturwa kieru ministry-ini ciothe gia Chief Administrative Secretary. Hamwe na aria mamuritwo na maritwa mao makaneyanwo kuri mbunge, ni uria urari munene wa aruti a wira a thirikari Magret Kobia uria riu niwe wamurwo ta minister  wa utungata kuri muingi na mbeu njithi, mwandiki wa mohoro Faridah Karoney amuritwo ta minister wa migunda riri nake Monicah Juma amuritwo ta minister wa maundu ma nanja. Amina Mohamed niwe minister mweru wa githomo riri nake uria urari ngavana wa Meru Peter Munya amuritwo ta minister maundu ma gitaru kia afrika ya irathiro. Uria wari ngavana wa Marsabit amuritwo ta minister wa Leba. Mwandiki munene wa Jubilee Raphael Tuju amurwo ta minister onagutuika ndanaheywo ministry.

 

Eugene Wamalwa amuritwo ta minister utamburukia wa mahinya riri murugamiriri wa thirikari Mombasa Nelson Marwa amuritwo ta mwandiki mukaru ministryini iyo. Cecily Kariuki amuritwo ta minister wa ugima wa mwiri riri Keriako Tobiko amuritwo ta minister wa maria maturigiciirie. Mwangi Kiunjuri niamuritwo ta minister urimi, riri minister mweru wa mathako aretwo Rashid Mohamed. Ihindaini oriu amwe a aria marari aminister mamuritwo ta mabarothi ni hamwe na Judy Wakhungu, Cleopha Mailu na Jacob Kaimenyi hamwe na angi.
Aminister amwe nimacokerio iturwa iria maraikariire ta Henry Rotich wa kigina, Najib Balala wa ugendi, Racheal Omamo wa mbiraru, Joe Mucheru wa ukinyaniria na James Macharia wa ukuui. Dr Fred Matiang’i niakindirwo ta minister wa ugitiri.
Show More

Related Articles