Kameme FmKameme Fm News

Kiama kia Wiper kuga nikiahacirwo ni ODM ugai-ini wa iturwa cia kamiti cia mbunge na senate

Kiama kia Wiper nigitiritie mucemanio wa People’s Assembly thiini wa kaunti ithatu cia ikamba-ini uria urari utabanio muthia-ini wa kiumia giki ni atongoria a ngwataniro ya NASA. Kiama kiu gikinyaniirie uhoro uyu thutha wa mucemanio wa kanju nene yakio kuria mangavana a Makueni na Kitui meguikara thi na maiguanire muthenya ungi uria mucemanio ucio ubatie gutabanio.
Oho kiama kiu nikionanitie kwaga kuiganira ni uria amemba a Wiper matanakuruhanio utongoria-ini ohamwe na kamiti-ini itiganite cia mbunge na senate gikiuga nikiahacirwo ni ODM.
Ihinda-ini oriu kiama kiu nikiamukirite maritwa ma andu atatu aria manyoteire giturwa kia umbunge gia Kitui West kiria kiriga gutigwo utheri kurumirira gikuo gia Francis Nyenze. Mutumia wa Nyenze niwe Edith Vethi Nyenzi ni umwe wa aria meyumiritie.
Show More

Related Articles