EMOOLOGOIYWEK

NAIROBI: Kokomanda eng Office alak eng Ofisaek cheechen chebo Police

Kokomanda eng Office alak eng Ofisaek cheechen chebo Police betusiek chengering kongete koyai walet eng Cabinet ak Sekta nebo Police President Uhuru Kenyatta.

Komanda eng Jumatatu neko Director eng Directorate of Criminal Investigations Ndegwa Muhoro nekikakobois eng kasartab kenyisiek tisap ak orowek somok akoi betutab komut kazi wikit nekosirtoi yekingoisto inendet eng boroinotok President koboto Deputy IGs Joel Kitili ak Samuel Arachi.

Koikoito kandoinatet Muhoro koityi neki ngololindet eng Police eng kasarta age  George Kinoti ne tetaat konom boroinotok akoi ketepseen inenet kibagengeitab National Police Service Commission neindochin Johnston Kavuludi

Komwa Muhoro kole kiyai boisienyi komie ak kosoom Kinoti koiwong boisionik chekikakotoi asi kogimit kibagengeinotok.

Koitita akine Ofisisiek cheechen chebo Police eng Vigilance House neki  Presidential Unit Commandant Edward Mbugua ak kotoi boisiet nelel ko  DIG nebo Kenya Police komitei ak Noor Gabow netetaat kogeer Samuel Arachi eng boroindab DIG nebo Administration Police.

Igeni tugul akoi kotepseen icheget kibakengeitab National Police Service Commission neindochin Johnston Kavuludi

Show More

Related Articles

Check Also

Close