Kameme FmKameme Fm News

Kioneki gia kairitu kamwe kuuma Tetu gikirie gukobobana thutha wa kuremwo kuingira thukuru uria etitwo wa Bishop Gatimu Ngandu Girls

Oriri arutwo aria mekire kigeranio gia KCPE mwaka muthiru mambiriirie kuingira mathukuru-ini matiganite umuthi kuringana na marks iria mundu emathiire kioneki kia Angela Nyambura kuuma Tetu gia kuingira thukuru wa kibururi wa airitu Bishop Gatimu Ngandu riu gikirie gukobobana oriri matanyitwo kuingira thukuru-ini muthi wa ruciu kinyagia muthi wa gatano ga kiumia giki thutha wa aciari ake gukorwo matari na uhoti wa kumutwara thukuru-ini ucio.

Angela Nyambura uria urathomagira thukuru wa PCEA Nanyuki na akihota kwimathira marks 416 na gwitwo thukuru wa airitu wa Bishop Gatimu Ngandu uria uri mwena wa Karatina indi kurumirira ndwari ya aciari ake kioneki giake riu kiaya kuhotoma.

Ciugo cia kieha ikiuma kanuani ka mwana uyu niati niarikitie gute mwihoko kumana na mitangiuko ino na oho akauga niacakayaga nii ikuo cia aria makuaga kumana na murimu wa cancer na uguo akauga kioneki giake gia gutuika Oncologist kana dagitari wa gutangikira aria marwarite murimu uyu na uria utuikite king’uki gia kunina andu kiaya gukobobana.

Ihinda-ini riu nake nyina wa Nyambura na uria nake ukoretwo agithinio ni murimu wa heho nioritie andu a wendi mwega kumuteithiriria kwona nimageretie Mutaratara wa Wings to Fly na KCB indi akiaga guteithika.

Show More

Related Articles