Kameme FmKameme Fm News

Atongoria a Jubilee kumenereria nyumba imwe cia mohoro ni kuonania ta kuri na njatukano ya president Uhuru na munini wake

Atongoria a kiama kia Jubilee nimamenereirie nyumba imwe cia mohoro niundu wa kwonania ta kuri na njatukano gatagati ga President Uhuru Kenyatta na munini wake William Ruto igii wamurani wa ndundu ya aminista.

Makiaria mwena wa Nyeri umuthi matongoretio ni mumbunge wa Gatundu South Moses Kuria, maugite ndugu ya President na munini wake ndingithingithio ni wamurani wa iturwa cia aminista. Oho Kuria akamenereria mumbunge wa Nyeri town Ngunjiri Wambugu ni kuuga tonginya andu a central makanyita mbaru Ruto mwaka-ini wa 2022.

Mwena-ini wake ngavana wa Nyeri Mutahi Kahiga oritie President kuririkana kaunti ya Nyeri agitiriha ndundu yake ya aminista, na oho akoria nyumba cia mohoro gwithema kuonania ta kuri na njatukano oro yothe.

 

Show More

Related Articles