Kameme FmKameme Fm News

Mutumia umwe kurumwo moko ni ngui Kiharu

Mutumia umwe kuuma ituura ria Wanjengi mwena wa Wangu gicigo-ini kia umbunge gia Kiharu arathii nambere kuhonia nguraro njuru mwiri-ini wake, thutha wa gutharikirwo na gutamburwo uuru ni ngui ya mundu wa kuuma ituura riu.

Mutumia ucio arumitwo uuru moko make undu atangihota kuruta wira o wothe undu nginya arateithiririo kuheo irio ni muthuri wake.

Riu andu a nyumba yake matongoretio ni muthuriwe Erastom Githae nimokiriire mwene ngui iyo uria ukanite ati ti yake, na gukaira borithi kumutacukiria makinya ma kiwatho o hamwe na ene ngui ingi cia itumura riu iria ene mataciohaga na ikoretwo ikiria nguku na mburi ciao.

Famiri iyo ningi no iroria mwene ngui iyo kurugamirira ngarama ya urigiti wa mutumia ucio uria maretigira ati nguraro iria enacio ciaya kumutiga na wonje wa moko.

Show More

Related Articles