Kameme FmKameme Fm News

Minista Fred Matiangi kuuga thirikari ndiraguagua kurutithia mutaratara mweru wa githomo wira

Minista wa githomo Dr Fred Matiangi niatitirithitie ati thirikari ndiracoka na thutha hari kurutithia mutaratra mweru wa githomo wira. Matiang’i augite uyu niundu makoretwo makirutira wira kwa ihinda na uguo gutiri na githgathago o giothe ta uria nyumba imwe cia mohoro ikoretwo ikimemerekia. Ona kuhana o uguo Matiangi augite mutaratara uyu uguthi ikinya kwa ikinya amu mutaratra uria urahuthika ihinda riri ugakorwo ugithira mwaka wa 2027.

Ihinda-ini o rui Matingi augite mutaratara ucio urongoreirie kugacirithia mathomo na miturire ya ciana na ati anyiti itemi othe nimarikitie gukuruhanio kuria kinya arutani aria megukorwo makiurutithia wira nimarikitie kwamukira mathomo.

Muikariri giti wa bodi ya ruhonge rwa kumurika mitaratra ya githomo bururi-ini Sarah Ruto augite mehaririria mothe ma kurugurio kwa mutaratara ucio nimarikite.

Mwena-ini wake mwandiki munene wa kiama kia arutani kia KNUT Wilson Sossion  niaugite nimaiganiire na uria mutaratara ucio uhana na akoria arutani kunyitanira na ministry ya githomo kuurutithia wira.

Nake muikariri giti wa kiama-ini kia acabithia a mabuku bururi-ini Lawrence Njagi augite nimakoretwo magikuruhanio mutaratra-ini ucio na nimari na mabuku maratwarana naguo.

 

Show More

Related Articles

Leave a Reply

Your email address will not be published.

Adblock Detected

Please consider supporting us by disabling your ad blocker