Kameme FmKameme Fm News

Andu 2 nimakuite mutino-ini wa barabara barabara-ini ya Nakuru guthii Eldoret

Athii eri a maguru nimarakuire hau hau na ungi umwe aragurara, thutha wa kuguthwo ni turera ituura-ini ria Kibunja hakuhi Jolly farm, kilomita igiri kuuma haria mutino munene uroragiire andu 38 barabara-ini ya kuuma Naikuru guthii Eldoret.

Ndereba wa turera iyo Denaji Dzuya uria urarutite murigo Tanzania erekeire Uganda, augite aracungiriirwo kugutha andu acio akigeria gutwara turera mwena-ini niguo gwithema kugutha ngaari ingi, thutha wa kibara gia turera iyo guthuka.

Umwe wa aikari a mwena ucio augite kihonia kia mitino mwena ucio ni gwaka bara ya mukira iria thirikari yeraniire gwaka igeragwo ni rori mwena ucio wa Sachangwan.

Kungi nakuo mutwarithia wa ngaari imwe nini niarakuire kurumirira mutino ruui-ini rwa Rupingazi mwena wa Embu. Borithi maugite mutino ucio urahanikire thutha wa ngaari iyo gute mwerekera na kuingira ruui.

Show More

Related Articles