Kameme FmKameme Fm News

Athii aria marihuthiraga mugithi wa SGR maribataraga kugata tigiti thiku 30 mbere

Athii aria maribataraga kuhuthira mugithi wa Madaraka express reri-ini ya kiriu ya SGR guthii Gicuwa-ini, riu maribataraga kugata tigiti thiku 30 mbere ya thabari ciao, mugaru na thiku 14 uria kurari hau kabere.

Kuringana na ugaruruku ucio uria urambiriria guthingatithio umuthi, murugamiriri munene wa kambuni ya reri bururi-ini Atanas Maina augite undu ucio urongoreirie kugaciria utungata kuumana na wongerereku wa athii aria marahuthira Madaraka express.

Nao aria marathii mari gikundi mekubatara kugata tigiti ciao thiku 32 mbere ya thabari mugaru na thiku 16 uria kurari hau kabere.

Kuuma mugithi ucio wa reri ya kiriu warugurio athii ngiri magana matandatu ma mirongo itandatu na igana ria atandatu nio mauhuthirite.

Show More

Related Articles