Kameme FmKameme Fm News

Namba ya andu aria makuite mutino-ini wa barabara ya Nakuru guthii Eldoret gukinyiria 36

Gukinyaniria na riu andu mirongo itatu na atandatu nio makuite na andu ikumi na anana makagurara kurumirira mutino wa barabara uria uhanikire utuku wa gukia umuthi mwena wa Migaa barabara-ini ya Naikuru guthii Eldoret.

Kurumirira uhoro ucio murugamiriri wa thirikari nene gicigo-ini kia Rift Valley Wanyama Musyambo niathingatite matereba mathingatithie mawatho mothe ma babarabara itemi-ini ria kuhitana na mitino ya barabara. Mutino ucio kuratuika wonekanire thutha wa mbathi ya kambuni ya Matunda iria ikuumite mwena wa Busia yukite guku Nairobi na iria igutwarithagio na thimidi nene iguthanire kiongo gwa kiongo na turela.

Ihinda-ini oro riu Musiambo nioritie matereba matige gutwarithagia ngaari na thimidi nene na oho metheme gukuwa athii aingi gukira githimi, guku akiuga mitino ya barabara ni icungiriirie ikuu nyingi muno.

Aria magurarire ni mahanyukirio thibitari-ini nene ya Naikuru na aria angi matwarwo thibitari-ini ya Molo Sub county guku gukirikana andu ikumi mena nguraro njuru muno cia mwiri. Ihinda-ini oro riu aikari a mwena ucio nimathingatite thirikari igerie uria wothe ingihota gutigirira ngaari cia gukuwa muingi itirihuthagira barabara imwe na ngaari cia mirigo.

Na uhoro uria uratukinyanira  urauga thirikari niyamba kurugamia thabari ciothe cia utuku na makiria cia ng’endo ndaya. Kuringana na ndumiriri iria yatumwo nyumba-ini cia mohoro ni ruhonge rwa NTSA oro hamwe na ruhonge rwa traffic. Ndumiriri irauga ngari ciothe cia guthii ng’endo ndaya cirikuwaga muingi gatagati-ini ga thinacara cia kiroko na thaa imwe cia hwa-ini.  

 

Show More

Related Articles