Kameme FmKameme Fm News

Andu makiria ma 30 gwikirwo mukonde nimakua kurumirira mutino wa barabara barabara-ini nene ya Nakuru guthii Eldoret

Andu mirongo itatu nimakuire na angi ikumi na anana magurara kurumirira mutino wa barabara mwena wa Migaa barabara-ini ya Naikuru guthii Eldoret. Mutino ucio ukuruhanirie mbathi iria iguthanire kiongo gwa kiongo na turela kindu thaa inyanya na nuthu.

Kuratuika mbathi iyo ya kambuni ya matunda iria ikuumite mwena wa Busia yukite guku Nairobi ni igutwarithagio na thimidi nene ma macungiriro yaguthana kiongo gwa kiongo na turela iria iguthiyaga mwena wa Eldoret.

Aria magurarire nimahanyukirio thibitari-ini nene ya Naikuru na aria angi matwarwo thibitari-ini ya Molo Sub county. Agikira uhoro ucio mukonde abithaa wa ruhonge rwa mutharaba mutune gicigo-ini kia Rift Valley Michael Aiyabei arauga gatagati-ini ka acio makuire ni kana kanini na ati kana kangi ka ukuru wa mwaka umwe na nuthu nigatigitwo na nguraro njuru cia mwiri.

 

 

Show More

Related Articles