Kameme FmKameme Fm News

Muthuri umwe kuuragwo na njira ya kiriga Kiharu

Gukirite kieha itura-ini ria Gitui mwena wa Kiharu, thutha wa muthuri wa ukuru wa miaka 67 kuragwo na njira ya unyamu ni mwikinai kana ni ekinai matakurikanite mita nini kuUma kirabu kiria aranyuaga njohi o itura-ini riu erekeire gwake mucii.

Muriu wa mutigairi ukurikanite ta Simon Mbatia ni atariirie uria marahuriirwo thimu ithaa-ini ria thaa mugwanja cia utuku na kumenyithio ati ithe nioneka agurarite mukira-ini wa barabara na makimuguthukia thibitari-ini ya mundu kiumbe tauni-ini ya Murang’a no akihuruka akirigitwo.

Ituura riu ria Gitui hau kabere rianagumirwo ni ciiko ota ici cia uragani, guku andu a nyumba yake na muingi matongoretio ni mutumia wa mutigairi Margaret Wambui makiuria borithi kwihika guikia ngono ageri a ngero iyo.

Ciiko itiganite cia umaramari iria ni hamwe na gutuo kwa matuka na andu kuhithukirwo kwao miciini mathaaini ma utuku ikoretwo ciakiriirie, na gikuu giake kuhanika mieri minini thutha wa ekuirwo eri a wikinai kuragwo ni muingi ituraini o riu na miiri yao gucoka kumundio.

Show More

Related Articles