Kameme FmKameme Fm News

Abithaa umwe wa borithi kuraga munini wa OCS mwena wa Makueni

Abithaa umwe wa borithi wa ceceni-ini ya Wote kaunti-ini ya Makueni nioragire munini wa OCS wa ceceni iyo niwe Dennis Wanjala, na aguraria aruna ake eri thutha wa kumahura rithathi na thutha-ini ethara akuite mucinga wa AK47 uria ahuthirire kugera ngero icio.

Agikira uhoro ucio mukonde OCPD wa Wote Bosita Omukolongolo arauga ngero iyo itabanirio utuku wa gukia umuthi riria maabitha acio mekwendaga guthii kuhura birigiceni mwena ucio wa Wote. Ihinda-ini oro riu ndagitari munene thibitari-ini ya Makueni Emmanuel Laiposha arauga maabithaa acio eri nimakinyirio thibitari-ini iyo mena nguraro cia rithathi, kuuria umwe arathitwo kuguru na ungi ngingo.

Show More

Related Articles