Kameme FmKameme Fm News

Athii maigana una kugurara mutino-ini wa barabara thutha wa matatu gute mburiki

Athii maigana una nimaragurarire thutha wa ngari ya matatu ya guukua athii 14 iria iraumite mwena wa Kiria-ini Mathioya ya NAMUKIKA Sacco yerekeire tauni-ini ya Murang’a gute mburiki muharuruko-ini kurigania na kiharo kia Ihura Stadium.

Ngari iyo irambire iragutha ngari ithatu itanacoka guthii na thibindi nene uraihu ta wa metre 200 itanacoka kwarirwo kana kuigirwo mahiga barabara-ini ni muingi na niguo irarugamire. Aria maragurarire nimarambire kuguthukio kuheo urigiti thibitari-ini ya mundu kiumbe tauni-ni ya Murang’a.

Muingi naguo ni uthiite nambere gukinyiriria ihoya ati barabara ya kuhuthirwo ni ngari cia matatu muno iria maita maingi ikoragwo na mitino ta ino igeragirire barabara iria i hakuhi na mocari ya Murang’a kuuma mwena wa Kiria-ini igiuka Murang’a niguo gwithema muharuruko uria wi hakuhi na Kiharu kia Ihura stadium haria maita maingi niho ngari iteyagira mburiki.

Hau kabere mitino ta ino yanahanika na gucungiriria ikuu na gutiga andu angi kihiri makihonia nguraro.

Show More

Related Articles