Kameme FmKameme Fm News

Andu 3 a family imwe gutharikirwo na gutemangwo mwena wa Kangema

Andu atatu a nyumba imwe aria ni hamwe na kahii ka ukuru ka miaka 7 kuuma ituura ria Tuthu mwena wa Kanyenya-ini Kangema, marathii nambere kuhonia nguraro thibitari-ini nene ya Murang’a kuuria makomete thutha wa gutharikirwo na gutemangwo ni mwanake wa ukuru wa gatagati-ini uria urandikitwo wira ni gukawe wa kamwana gaka.

Mwanake ucio uria umite ituura-ini ria Karingu mwena wa Kiharu arandikitwo wira wa gutua macani na kurekikana ati ambite gukomba ciringi 1,000 kuuma kuri mumwandiki na kuitumira kunyua njohi na acoka mucii wa thaa igiri cia utuku niguo aratabanirie ngero iyo na gucoka gwithara.

Ungi uratharikiirwo ni nyina wa kamwana kau uria ni mwari wa muthuri ucio na uria arambite kwira ati nieyanangite na kuhuthira mbeca ciake uuru na kumwatha amuhe irio no arerwo ati gutiri na niguo arahuririe banga na kugera ngero iyo.

Marambire kuguthukio na gutangirwo thibitari-ini ya Kangema matanacoka guthamirio thibitari-ini ya Murang’a guku family ino ikiuria borithi kwihika kumuikia ngono.

Show More

Related Articles

Leave a Reply

Your email address will not be published.