Kameme FmKameme Fm News

Ngucanio ya ciama iria ciumbite ngwataniro ya NASA ndiguthiraga yatira

Ngucanio ya utongoria ngwataniro-ini ya NASA noithiite na mbere gwakiriria thutha wa kiama kia ODM gwithukira iturwa hakuhi ciothe thiinii wa utongoria wa bunge nagutiga ciama iria ingi nja. Muthenya wa ira kiama kia ANC kiria gitongoragio ni Musalia Mudavadi, nikiranegenire makiria thutha wa mubunge wa Ugunja Opiyo Wandayi guthurwo ta muikariri giti wa kamiti ya kumurika mihuthirire ya mbeca cia muingi, bunge-ini.

Uhoro wa kwihokeka urauga maiguithaniirie ati giturwa kiu gikunengerwo mumbunge umwe wa kiama kia ANC undu uria utanakinyanira. Kiama kia Wiper onakio nigikoretwo gikinegena, gikiuga kiama kia ODM nikirakungia wara utongoria-ini.

Akiaria thutha wa kuiyukia giturwa giake Wandayi niaraugire mari ta kamiti nimegutigirira mbeca cia muingi niciahuthika na njira igwete

Mumbunge wa Kiharu Ndindi Nyoro na murunawe wa Tetu James Gichuki aria ni amwe a amemba a kamiti iyo, nimaraugire nimegutigirira kamiti iyo niyaruta wira wayo na njira igwete na makiria hari kuhurana na ungumania

Kamiti ingi iratabanirie githurano, ni kamiti ya ugitiri kuria maracagurire Katoo Ole Metito ta muikariri giti na Richard Tongi ta munini wake.

Show More

Related Articles

Leave a Reply

Your email address will not be published.