Kameme FmKameme Fm News

Njamba 7 iria ciaruiire wiyathi na igitigwo na njirungi mwiri-ini kwamukira urigiti

Njamba 7 iria ciaruiire wiyathi na igitigwo na njirungi mwiri-ini no ithiite nambere na kwamukira urigiti thibitari-ini ya North Kinangop, thutha wa ngavana wa Nyandarua Francis Kimemia kumarihira urigiti  wa kurutwo rithathi  iria mahurirwo hindi ya mbaara ya gukura bururi uyu kuuma moko-ini ma Nyakeru.
Kuringana na njamba ici niati rithathi icio niimathinagia muno makiria hindi ya mbura na rimwe ona makagwa kuumana na heni na nimacokeirie ngavana ngatho ni undu wa kumaririkana.
Hannah Wangui umwe wa matigari ma njirungi ena makiria ma rithathi 25 na kuringana na ndagitari Phillip Sebazu augite ati aingi ao mena mathina maingi ma mwiri undu umwe na ukuru maundu maria matumite  operation ya kuruta rithathi igumirwo ni ugwati.
7 acio ni a gatagati ka ukuru wa miaka 78 na 98 na  gukinyaniria na riu nimarikitie kurigitwo mirimu ingi kuria marikia kuhona megukorwo makirutwo  rithathi icio.
Oho 7 acio nimamukirite kadi cia NHIF  kuhitukira kwi wabici ya ngavana wa Nyandarua na niaugite ati niekumateithiriria kwamukira urigiti riria mabatara.
Show More

Related Articles