Kameme FmKameme Fm News

Namba ya aria makuite mutino-ini wa barabara ya Thika guthii Garissa gukinya 18

Muigana wa aria makuite kuumana na mutino wa barabara ituura-ini ria Kilimambogo barabara-ini ya Thika guthii Garisa hwai wa ira wongererekete nginya andu 18 , eeri ao mari ciana 2 cia miaka 7 na 9 , gukirikana matatu iria iraguthanire na rori irakuite andu 22. 
Nayo rori iyo ira iraguthanire na matatu irakuite andu 3 guku muthii umwe wa maguru ana mutwarithia umwe wa bodaboda magikuruhanio mutino-ini ucio na oguo andu othe aria marakuruhanirio mutino -ini ucio magakinyiria 27.
Andu  9 aria maragiire na nguraro ni mathite na mbere gutangikirwo thibitari-ini ngurani thiinii ya kaunti ya Kiambu na andu 2 nimarikitie gutwarwo thiinii wa thibitari nene ya Kenyatta (KNH) guku Nairobi nao angi atandatu magakoma thibitari-ini ya Thika level 5.
Matatu ino ya Kinatwa Sacco iria irerikana irageragia gwithema kugutha mundu wa nduthi niirakirukite watho wa barabara kuona niirakuiite athii makiria ma uria yagiriirwo.
Thutha wa mumbunge wa Thika Eng. Patrick Wanaina gwikinyia haria mutino ucio urahanikiire niarokiriire borithi a traffic na  maobithaa a ruhonge rwa NTSA na oho aroria matereba gukorwo na wuigiririki mahinda maya na mambura.
Show More

Related Articles