Kameme FmKameme Fm News

Mumbunge Rigathi Gachagua kunyita mbaru itacukia ria CS Fred Matiang’i

Itacukia ria minista wa githomo Dr Fred Matiang’i ria kuuga thirikari niyo iricabaga mabuku na kumahe ni riragathiriirio ni mumbunge wa Mathira Rigathi Gachagua.

Akiaria ari thukuru wa Muthingi wa Ngai-ini gicigo-ini giake kia umbunge na kuuria maratugaga arutwo aria marekite wega umwe wao ari Susan Wakiuru Muhara na uria wititwo thukuru wa Alliance Girls, Rigathi nioritie arutani kuhimbiria mogaruruku maria ministry ya githomo irendekithia kuona nimauguni munene hari ugaciru wa githomo riu na matuku meguka guku akiuria arutani kunyitana na kuhagura Wilson Sossion ta mwandiki mukaru wa kiama kia KNUT na guthura mundu utaregemera mwena o wothe wa kiuteti.

Ihinda-ini oriu Mumbunge uyu nioritie mutongoria wa bururi Uhuru Kenyatta agithura aminista na andiki akuru  nio principal Secretaries a ministry itiganite athure andu aria marutiire muingi wa Kenya wira na andu aria marimuiguaga kuona president nonginyagia atige ngumo yake irinjega guku akiuga o mari ta ambunge nimehariirie kuhitukia andu aria president ekumatwarira.

 

Show More

Related Articles

Leave a Reply

Your email address will not be published.