Kameme FmKameme Fm News

Thirikari gutanywo gwaka barabara ya miena iiri kuuma Salgaa-Kibunja itemi-ini ria kuhitana na mitino

Thirikari ni iigite keheri-ini gicunji kia mbeca gia gwaka barabara ya miena iiri kana Dual Carriage kuuma Salgaa guthii Kibunja barabara-ini ya Naikuru guthii Eldoret, kuuma mweri wa gatatu mwaka ukite itemi-ini ria kuhitana na mitino iria ikoretwo ikionekana mwena ucio.

Mwandiki mukaru ministry ya barabara Eng John Musonik niwe uhithuritie uu kuuria ningi athite ruhonge rwa waki wa barabara rwa KENHA, kwambiriria gwikira ibao cia imenyithia mwena ucio. Aritie uguo riria egucerete mwena wa Sachangwan kuuria makiria ma andu 20 marakuiriire mutino-ini thiku igiri hetuku.

Ningi oho Musonik niateteire ruhonge rwa kuramata wuigiririku wa barabara-ini NTSA kuumana na muhuhu uria uratheremio gukirikana ngari ya NTSA niyo irateng’eretie rori iria iracungiririe mutino itura-ini ria Sachagwan.

Mwena-ini wake ngavana wa Naikuru Lee Kinyanjui nioritie matereba gukorwo na wuigiririku riri turaingira mambura ma thigukuu.

 

Show More

Related Articles