Kameme FmKameme Fm News

Mitino ya barabara kuongerereka na njira nene thiinii wa mathaa 48

Makiria ma andu 34 nio marakuire ituura-ini ria Sachangwan, thutha wa lori imwe kugutha ngari 13, muthi wa ira mathaa-ini ma miarahuko. Kuratuika lori iyo irooragire maobithaa a ruhonge rwa NTSA, riria irateire mwerekera barabara-ini iyo na irahaata ngari icio ciothe barabara-ini.

Kurumirira uguo murugamiriri munene wa ruhonge rwa kumurika wuigiririku barabara-ini NTSA Francis Mejja nieyeheranitie na mutino ucio, akiuga NTSA tiyo iracungiriirie mutino ucio.

Niongereire kuuga kwahoteka dereba wa lori aratwaraga lori iyo itari na gear, na nikio mwanangiko wa mutino ucio uhaanikire. Ihinda-ini ria mathaa 24 mahituku, makiria ma andu 80 nimakuite mitino-ini ya barabara, thutha wa andu angi 20 gukua mutino-ini ungi ituura-ini ria Kamukunywa, Webuye; na angi 3 gukua mwena wa Matuu.

Kurumirira uguo mutongoria wa bururi Uhuru Kenyatta niahinyiriirie matereba gukorwo na wuigiririki hindi ino ya thigukuu, na oho borithi moere ikinya ikinya irumu ria mawatho ma barabara.

 

Show More

Related Articles