Kameme FmKameme Fm News

Igoti ikaru kuuga githurano gia tareki 26 mweri wa ikumi nigiakinyaniirie ikiro cia kiwatho na gatiba

Githurano gia tariki 26 mweri wa Ikumi, nigiakinyaniirie ikiro cia kiwatho na gatiba. Uguo ni kuringana na itua riria riarekererio ni acirithania a igoti ria Supreme makiuga gutiri mukenya wagiririo ni guikia kura, na mitaratara yothe igii githurano niyarumiriirwo ni kamiti ya IEBC.

Mucirithania munene David Maraga augite nginyagia honge cia thirikari niciarutire wira wacio.

Ihinda-ini o riu Maraga augite kwaaga kwiyumiria kwa aikia aingi a kura, gutingicungiriria guteyanirio gwa githurano, amu ithurano nyingi cia gucokerwo itikoragwo na aikia aingi.

Oho igoti riu niriugire gutiari na bata wa gutabania ithurano njeru cia wamurani, amu aria mahuranagira giturwa kiu, nimarikitie kwamurwo mweri-ini wa Gatano mwaka uyu.

Ciigii kwiyeheria kwa mutongoria wa NASA Raila Odinga igoti niriugire Raila aabatie kwiyeheria, thiku 3 thutha wa ithurano cia wamurani, indi ni kihooto giake kwiyeheria angikorwo ndendaga gukorwo githurano-ini kiu.

Acirithania acio nimareganire na uhoro ati nimaguoyohirio ni miario ya mutongoria wa bururi thutha wa guteyaniria githurano gia tariki 8, na oho makauga kwaaga gutabanio kwa ithurano kaunti-ini 4 cia Nyanza, gutiacungiriirio ni thirikari kana kamiti ya IEBC.

 

 

 

Show More

Related Articles