Kameme FmKameme Fm News

Mangavana kuuria thirikari guteithiriria family cia aria marakuiriire mutino-ini wa barabara Marigat

Mangavana  a kaunti cia Baringo Stanley Kiptis na murunawe wa Turkana Josaphat Nanok, nimoritie thirikari nene guteithiriria family cia andu 23 aria marakuiriire mutino-ini wa barabara ya Loruk guthii Marigat.

Oho ningi makoria bill ya thibitari ya aria maragurarire irihwo ni thirikari nene niguo kuhuthahuthiria family icio ngarama. Mangavana aya maugite andu aya marahuthirite lori ya borithi amu icigo icio ni igumiirwo ni uhaguku wa ugitiri.

Aingi a aria marahutirio ni mutino ucio nimatarainie na aingi maraumite ituura rimwe. Mutino ucio urahanikire thutha wa lori iyo iria irakuite andu 41 ari hamwe na maabithaa atano a borithi kugarara riria irethemaga kugutha ruru rwa mburi barabara-ini.

Nakuo mocari-ini ya Molo family na arata a mbandi ya aini 7 aria marakuiriire mutino-ini wa barabara mwena wa Totally barabara-ini ya Naikuru guthii Eldoret, nimarekinyirie gukuurana miiri. Nao aria marahonikire magatariria uria maragite guthiina ngaari imwe kuona matingiraiganiire.

 

 

 

 

 

Show More

Related Articles