Kameme FmKameme Fm News

Ngwataniro ya NASA gutiriria kwihitithio kwa Raila Odinga ta mutongoria wa bururi

Arumiriri a ngwataniro ya NASA mekuhinyiririo gweterera makiria hari kwihitithio kwa mutongoria wao Raila Odinga angikorwo undu uyu ni ugakinyanira, thutha wa mihang’o ya kumwihitithia gutiririo. Mutongoria wa kiama kia Amani National Congress Musalia Mudavadi, augite nimekwanirira ringi muthenya uria makehitithia Raila Odinga na munini wake Stephen Kalonzo Musyoka, makiuga matiiganiire na utongoria wa Jubilee. Atongoria aya marehuraga githuri na kuruta mukaana wa kwihitithia Raila muthenya wa keri ga kiumia giki.

Oho Mudavadi augite muthenya wa ruciu nimakaruta mwerekera makiria wigii kurugurio kwa igomano cia People’s Assembly.

Hau kabere abunge a Jubilee nimekunyururitie Mutongoria wa mung’ethaniro Raila Odinga na gikundi giake kia uregani kia NRM, niundu wa gukinyiriria ati niakehitithio muthenya wa keri ga kiumia giki. magitongorio ni mumbunge wa Limuru Peter Mwathi, maugite Raila no mwihoko arahe arumiriri ake akimahenia ati ni agatacukia ikinya tariu ria kwagarara gatiba ya bururi.

Show More

Related Articles