Kameme FmKameme Fm News

Nyina wa Women Rep Sabina Chege kuhurukio mwena wa Kinyona Murang’a

Makiri ma andu nimekinyitie kiharo-ini gia cukuru wa muthingi wa Kinyona mwena wa Kigumo kaunti-ini ya Murang’a, igongona-ini ria mathiko ma kuhurukia mutigairi Susan Wairimu Chege na uria ni nyina wa murugamiriri wa atumia kaunti-ini iyo ya Murang’a Sabina Wanjiru Chege. Susan Wairimu ahurukire tariki ithano mweri wa ikumi mwaka uyu kuumana na mutino muru wa barabara na uria watigire muthuri wake Chege Mutema akihonia nguraro njuru.

Akiaria hindi ya igongona riu mutongoria wa bururi Uhuru Kenyatta augire kioneki gia thirikari yake ni gutigirira gutiri mukenya ona umwe urihatiririkaga niundu wa kwaga marihi ma thibitari.Mwena-ini wake munini wa mutongoria wa bururi Williama Ruto niagathiriirie uuturo wa mutigairi akiuga niahotire kurera ciana nyingi na agitigirira niciakinyira cioneki ciacio.

Miario yake ni inyitirwo mbaru ni atongoria a ikiro ngurani aria onao megutumaga ndumiriri ya macakaya kuri nyumba na arata a mutigairi Susan Wairimu Chege.

 

 

 

 

Show More

Related Articles