Kameme FmKameme Fm News

Igoti ikaru riracokereria ciikaro thaa 8PM niguo guthii nambere guthikiriria ciira wa githurano 

Igoti ria Supreme o ringi niriamba kurugamia ciikaro nginya thaa 8PM, riri ciira wa githurano kia u-president wambiriirie guthikiririo umuthi. Mucirithania munene David Maraga atiiria ciikaro icio niguo kuriikia guthikiriria kana mwena wa mung’ethaniro wa NASA niubatie kweherio ciira-ini ucio  na kana Jubilee niibatie gukuruhanio ciira-ini.

 Wakiri wa Jubilee niwe Njoroge Regeru nierire igoti ati Jubilee niibatie gukuruhanio ciira-ini, amu niyo yakuiire mburi tatha, uhoro-ini wigii gucokerwo gwa githurano akiuga arumiriri aingi nimagagirio na kurutirwo mikaana ni mwena wa mung’ethaniro.

 Wakiri wa president niwe Fred Ngatia nierire igoti ati NASA ndibatie gwikuruhania na ciira uyu wa upresident, kuona ati mutongoria wayo Raila Odinga nieyeheririe kihitahitano-ini, ona igoti riathanite githurano gicokerwo.

 

Nake wakiri wa NASA Paul Mwangi nierire igoti ati NASA iina kihooto gukorwo ciira-ini ucio, kuona ati mutongoria wayo Raila Odinga, eena maundu maingi aracukirwo ciira-ini ucio.

 

 

 

Show More

Related Articles