Kameme FmKameme Fm News

Igoti rĩa Supreme kwambĩrĩria kĩgomano gĩa kũbanga mĩtaratara ya ũrĩa maciira ma gĩthurano megũtwarithio

Acirithania atandatu igoti-ini ria ngathi ya iguru nimambiriria kigomano gia kubanga mitaratara ya uria maciira megemainie na githurano megutwarithio, ugitiri ni ugacirithitio na gikiro kinene. Acirithania acio magitongorio ni muikariri giti David Maraga, matanyitwo kuheana mwerekera wa maciira matatu maria mandikithitio magitetia githurano kiria giaockerirwo tariki 26 mweri muhituku.

Ciira wambere wandikithitio ni uria wari mumbunge wa Kilome Harun Mwau, naguo wakeri ukandikithio ni Njonjo Mue mari Khelef Khalifa, maciira maya meri mekiendekithia uhotani wa president Uhuru Kenyatta uteyanirio, naguo wagatatu wandikithitio ni gikundi kia Institute for Democratic Governance, makiuga Raila Odinga na Kalonzo Musyoka magiriire gutacukiriro makinya ni kwaga gwathikira igoti riria riathanire githurano gicokerwo.

Maciira macio matanyitwo guthikiririo na matuithanio gugikinyiria muthenya wa Jumatatu ya kiumia giukite.Mucirithania munene David Maraga augite nimaramukirire mendekithia 15 muthenya wa ira mamwe mamo mari ma kwendekithia guteyaniria maundu mamwe maria mari cira-ini ucio mendekithia maria igoti riu rikuruta mwerekera mathaa ma thaa inyanya umuthi.

Nao ambunge a Jubilee nimoritie igoti riu ria supreme guteyaniria ciira ucio na president ehitithio niguo bururi uthii nambere. Matongoretio ni mumbunge wa Mathira Rigathi Gachagwa maugite bururi ni uhotomete kwa ihinda iraya ni undu wa mundu umwe kwaga kuiganira.

Show More

Related Articles