KTVmohoro

Muira wa maheni Dennis Ngengi kwirikana niahuthirite maritwa mangi manana

Uthuthuria uria wikitwo ni ruhonge rwa uthuthuria uronania ati Dennis Ngengi, uria warutire uira mutino-ini wa ndege mwena wa Naikuru na mutino wa ica ikuhi uria uroragire ngavana wa Nyeri Wahome Gakuru ari na maciira manana ma wikinai.

No undu wa kumakania ni ati ona thengia ya gukorwo ari na ritwa  Dennis Ngengi ta uria eitaga hindi ya mitino ino yeri mwikuirwo uyu ari na maritwa mangi manana maria mahuritwo riboti ceceni-ini cia borithi itiganite.

Kuringana na ndumiriri iria itumiirwo kuri munene wa ruhonge rwa uthuthuria Ndegwa Muhoro mwikuirwo uyu ahuthirite maritwa maya manana maciira-ini matiganite icigo-ini itiganite guku bururi-ini imwe ciacio ari ceceni cia borithi cia Narumoru kuria anyitikanire na mahitia ma uici na agikurana ta Charles Karanja, ceceni-ini ya borithi ya Nkubu kaunti ya Meru agikurana ta Francis Karanja Mwaniki na akinyitikana na mahitia ota macio ma uici nakuo ceceni ya Kiganjo ekuranire ta Charles Karanja,kuria anyitikanire na ihitia ria kuheana ndumiriri ya maheni.

Ningi mwikuirwo uyu nianyitikanire na ihitia ria guthukangia indo ceceni-ini ya Mweiga kaunti ya Nyeri, na kuria ekuranire ta Francis Maina Theuri, nakuo ceceni-ini ya ya borithi ya Rumuruti kaunti ya Laikipia mwikuirwo uyu nianyitikanire na ihitia ria kwamukira mbeca na njira ya maheni na haha agikurana na ritwa ria Martin Mutangilu Wambua.

Na hari mahitia mangi mwikuirwo uyu nianyitikanire na na ihitia ria gututhura funjo Meru na haha agikurana ta Alex Musyoka.

Nakuo mwena wa Baricho kaunti-ini ya Kirinyaga, mwikuirwo uyu ni anyitirwo na na ihitia ria kuhuthira ritwa ritari riake na haha agikurana ta  Martin Githaiga Gichuhi kana na ritwa ringi ta Antony Waweru Gakuya.

Kurerikana ati mwikuirwo uyu niahinguriirwo thitango igoti-ini ria Kwale thutha wake gwitua ta umwe wa mbiraru guku bururi-ini na thutha ucio akirekererio na bodi na ndaigana gucoka igoti-ini ta uria athitwo.

Show More

Related Articles