Kameme FmKameme Fm News

Senator Kang’ata kwaraniria na ministry ya ugima wa mwiri ya Murang’a ndigabute wira arigitani

Seneta wa Murang’a Irungu Kang’ata niaikitie ihoya kuri thirikari ya kaunti ya Murang’a ndikabute wira kana gutacukiria makinya o mothe arigitani a gikiro kia nurses aria kwa ihinda ria mieri itanyihiire itano maraigite miro yao thi, kurumiriria mugomo uria wetitio guothe bururi-ini ni atongoria a kiama kiao makienda kuongererwo micara o hamwe na kugacirithio kwa murutire wao wa wira.

Mugomo ucio ni urathirire kiumia kimwe kihituku, thutha wa atongongoria a kiama kia arigitani acio kunanira njung’wa na gwikiranira kirore na kanju ya ma-ngabana na ministry ya ugima wa mwiri bururi-ini, na Kang’ata arekereirie ndumiriri ino akiaria na andiki a mohoro tauni-ni ya Kenol mwena wa Maragua.

Hamwe na uguo,  Kang’ata uria nowe munini wa muhuri mucarica mbunge-ini ya Senate ningi ni atariirie ati niaraniirie na minista wa ugima wa mwiri wa thirikari ya kaunti iyo ya Murang’a uhoro wigii ndeto iyo, na uria uraheanite notithi kuri  ya kumabuta wira dagatari ari amarari mugomo-ini.

 

Show More

Related Articles