Kameme FmKameme Fm News

Atongoria na muingi gutuma ndumiriri cia macakaya kurumirira gikuu kia ngavana Wahome Gakuru

Atongoria matiganite nomathiite nambere na gutuma ndumiriri cia macakaya kuri nyumba ya mutigairi ngavana Wahome Gakuru na aikari a kaunti ya Nyeri, thutha wa gikuu kiria kionekire kiroko kia umuthi. Mutongoria wa bururi Uhuru Kenyatta augite bururi niwoorwo ni mundu wa bata, amu Gakuru araari mutongoria wa ciiko. Niaugite thirikari niigukorwo ikiheana uteithio o wothe uria urabatarania ihinda-ini riri nyumba yaake iracakaya, na makiria kuri mwana waake uria urathii nambere gwika kigeranio gia KCSE.

Kurumirira gikuu kia ngavana Wahome Gakuru, muikariri giiti wa kanju ya ma-ngavana Josphat Nanok niaugite ni igutha inene kanju-ini ya ma-ngavana kuurwo ni mutongoria urari na kioneki. Ngavana wa Machakos Alfred Mutua arauga niorwo ni muraata wa hakuhi, akiuga arari mutongoria njamba.

Nao ma-MCA’s kuuma mwena wa Nyeri, nomatumire ndumiriri ciao cia macakaya.

Naguo muingi wa Nyeri, niucakaite gikuu kiu kia ngavana wao Wahome Gakuru.

Nake muikariri giiti wa Kiama kia DP bururi-ini Esau Kioni augite mutigairi Gakuru arari mutongoria urerutiire gukuria kaunti ya Nyeri akiuga nimarakoretwo makibanga uria megucemania kiumia giiki niguo kwaririria mitaratara ya uthii wa nambere thi-ini wa kaunti ya Nyeri. 

Nao athuri a kiama kia Ma magitongorio ni muthamaki Kariuki Kabue maugite nimegutabania igongona ria mahoya niguo kuhoera kaunti ya Nyeri, akiuga ni uhoro wa kieha mangavana 2 gukua ihinda-ini ria mwaka umwe.

 

 

 

Show More

Related Articles