Kameme FmKameme Fm News

Ngavana wa Nyeri Wahome Gakuru gũkua mũtino-inĩ wa barabara ya Murang’a-Thika

Ngavana  wa kaunti ya Nyeri Dr.Wahome Gakuru niakuire kurumirira mutino muru wa barabara uria wonekire kiroko kia umuthi. Mutino ucio uhanikire ituura-ini ria Kabati barabara-ini ya Murang’a guthii Thika hakuhi na Kenol haria cuma ya barabara itonyire ngari-ini na kumukora haria eguikarite.

Dr. Gakuru aguthukirio thibitari-ini nene ya Thika kuria atangikirwo mbere ya kuhuruka uhoro. Ndereba wa ngavana, muteithia wake niwe PA, na murangiri wake o nao nimagurarire uru na nimathamiirio thibitari-ini ya Nairobi niguo kwamukira urigitani makiria.

Uhoro makiria ugite mutino ucio uhanikire thutha wa kuguru kwa ngari iyo guturika na gute mwerekera kuringana na aria meyoneire mutino ucio.Nitwaraniria na ndagitari Patrick Miako uria urarigita muteithia kana PA wa ngavana niwe Albert Gakuru, uria watariria ati Albert ndari ugwati-ini o wothe, mugaru na riboti cia hau kabere.

Riri ni igutha ria keri mwaka uyu kugumira kaunti ya Nyeri kurumiriira gikuu kia uria wari ngavana Nderitu Gacagua uria wakuire mweri wa iri.

Dr. Wahome Gakuru aciarirwo mwaka-ini wa 1966 na arari muthomi njorua thutha wa gukorwo ari murutani university-ini ya Nairobi kuuma mwaka-ini wa 1994 agithomithia gikiro kia PHD.  Mbere ya kuingira uteti-ini Dr.Gakuru ari murugamiriri wa kioneki kia mwaka wa 2030.  

Show More

Related Articles