Kameme FmKameme Fm News

President Uhuru gũcakaya gĩkuũ kĩa ngavana wa Nyeri mũtigairĩ Wahome Gakuru

Mutongoria wa bururi Uhuru Kenyatta ni atumite ndumirri cia macakaya kurumirira gikuu kia ngavana wa nyeri Mutigairi Dr.Wahome Gakuru.

Thiinii wa ndumiriri yake president niaugite gikuu kia Dr.Gakuru ni igutha inene kuri bururi na kaunti ya Nyeri, akiuga Gakuru ni umwe wa aria matateire mahinda thutha wake guthurwo mweri-ini wa kanana.

Mwena-ini wake Munini wa president William Ruto uria ni umwe wa aria megwikinyirie nyumba-ini ya LEE Funeral home, niaugire thirikari niikunyitanira na famiri mehaririria-ini na mibango ya mathiko ma mutigairi.

Minista wa ukinyaniria Joe Mucheru niwe ukurugamirira mwena wa thirikari mehaririria-ini macio.Namo mangavana  aria megwikinyitie, Ann Waiguru, Mike Sonko, Mwangi wa Iria, nimaugire nimorwo ni mutongoria wa bata uria ureyumite na urerutiire gutungatira muingi wa Nyeri.

Mwena-ini wake munini wa ngavana kaunti-ini ya Nyeri Mutahi Kahiga augire ni marari na unyitaniri mwega na ngavana Gakuru guku akiuga ati ona muthenya wa ira Gakuru niaramwirite ati niekuroka Nairobi amu niwe mugeni wa tabarira ya Rikiratha ceceni-ini ya Kameme TV

Ihinda-ini oro riu ambunge ngurani kaunti-ini ya Nyeri matongoretio ni wa Kieni Kanini Kega na wa Nyeri Town Ngunjiri Wambugu maugire mena kieha kinene niundu wa kurwo ni ngavana.

Show More

Related Articles