Kameme FmKameme Fm News

Atongoria a kĩũteti Gicua-inĩ kũregana na rĩendekithia rĩa atongoria a NASA kuuma mwena ũcio

Atongoria a kiuteti kuuma mwena wa Gicua-ini ni mareganite na riendekithia ria atongoria a NASA a kuuma mwena ucio aria marendekithia mwena wa gicua-ini witigithukanie na bururi wa Kenya. 

Matongoretio ni minista wa ugendi Najib Balala na murunawe wa wenji wa mahiga ma ngoro Dan Kazungu, ngavana wa Kwale Salim Mvurya, mumbunge wa Lamu West Stanly Muthama ningi nimoritie aikari a mwena ucio matigathikiririe ritana riu amu ni ria kuhurithania muingi wa bururi. 

Oho atongoria acio maugite matanya macio ni mahetuke ni mahinda guku makiuga mutongoria wa NASA Raila Odinga niwe ukoretwo akienda gukorwo na mugayukano guku bururi-ini.

Mwena-ini wake ngavana wa kaunti ya Kwale Salim Mvurya ni oritie aruna ake aria ni ngavana wa Mombasa Ali Hassan Joho na murunawe wa Kilifi Amason Kingi matungatire aikari a kaunti ciao na njira igwete ithenya-ini ria gwitia mugayukano. 

 

Show More

Related Articles