Kameme FmKameme Fm News

Mũrutwo ũmwe kauntĩ-inĩ ya Murang’a kũgirio gũikarĩra kĩgeranio gĩa KCPE nĩ thiirĩ wa ciringi 300

Murutwo umwe wa muiritu kuuma cukuru wa muthingi wa Kongo-ini mwena wa Kiharu kaunti-ini ya Murang’a kiroko kia muthenya wa umuthi ni ekugiritio ni murutani munene wa cukuru ucio gwika kigeranio gia KCPE kiria kirarika muthenya wa umuthi, amu ndarihite ciringi Magana matatu iria oo murutwo arari arihe iri cia irio.

Murutwo ucio acokire aingatwo ainuke mucii, kuria nyina akiaria na andiki a mohoro atariirie ati niareyaritie kuri murutani ucio ati etikirio eke kigeranio kiu na kumuhe kiriko ati niekuriha mbeca icio iria atari nacio kwa ihinda riri, kuona ati akoretwo agitungata mwana wake ungi ugumiirwo ni ndwari.

Thutha wa kwamukira ndumiriri iyo, abithaa munene wa githomo kaunti-ini iyo ya Murang’a Charles Khayira ni athire kwi abithaa munene wa githomo thiinii wa Sub kaunti ya Murang’a ya irathiro niwe Richard Ng’ang’a na gwikinyia nginya cukuru-ini ucio na murutwo ucio etikirio guthii nambere gwika kigeranio kiu.

 

 

 

Show More

Related Articles