Kameme FmKameme Fm News

Gikundi kia mbeu njithi kuuma Nyanza kumenereria ngahiha iria cionekanire hindi ya githurano

Kanju ya ataaramu ngurani niyugite ndigwitikira kihoto kia muingi kana uuge wa muingi kwagararwo ni mung’ethaniro kurumirira uhotani mutongoria wa bururi Uhuru Kenyatta githurano kihetuku. Matongoretio ni uria wari mumbunge wa Budalangi Ababu Namwamba, maugite ngwataniro ya NASA no nginya itie uge wa muingi na itheme guthondeka gikundi gia itoi niguo gwithinikiriria thiinii wa thirikari. 

Ihinda-ini o riu kanju iyo ya ataaramu niyagiire kiene mendikithia ma kanju ya makanitha NCCK gwika ugaruruku wa gigatiba niguo guthondeka giturwa gia prime minister. Uuge wao ukahurwo njeki ni gikundi kia Nairobi business community.

Ihinda-ini o riu gikundi kimwe kia mbeu njithi kuuma gitaru kia Nyanza nimamenerie ngahiha iria cionekanire mwena ucio hindi ya githurano gia kiumia githiru, na makoria nyanake cia mwena ucio gwithema kuhuthirwo ni ateti guthararia thayu wa bururi.

 

Show More

Related Articles