Kameme FmKameme Fm News

Uhotani wa president Uhuru kugathikwo gathiti-ini ya thirikari

Muikariri giti wa kamiti ya ithurano na mihaka IEBC Wafula Chebukati riu niagathika uhotani wa president Uhuru Kenyatta na munini wake William Ruto ngathiti-ini ya thirikari. Chebukati aagathika uhotani ucio kuringana na watho wa ithurano. Uhuru araniriirwo muhotani na kura 7,483,895 thutha wa githurano gucokerwo muthenya wa Kana ga kiumia kihituku.
Mutongoria wa bururi wa Uganda Yoweri Museveni uria nowe muikariri giti wa gwataniro ya mabururi ma Africa ya irathiro EAC, niatumite ndumiriri ya wendi mwega kuri president Uhuru Kenyatta kurumiriira uhotani wake uria uraniriirwo muthenya wa ira. Museveni augite uhotani wa president Uhuru itiina ria keeri ni kionereria ati muingi wa bururi uri na mwihoko thiini wa utongoria wake. Museveni augite Uganda ni iguthii nambere kurutithania wira na Kenya oundu umwe na kumatia ndugu gatagati-ini ka mabururi maya meeri.
Show More

Related Articles