Kameme FmKameme Fm News

Atongoria kuuma Gicũa-inĩ kuuga President Uhuru nĩ abatiĩ kwanĩrĩrwo ta mũhotani wa gĩthurano gĩa gũcokerwo

Atongoria ngurani kuuma mwena wa Gicua-ini maugite mutongoria wa bururi Uhuru Kenyatta niabatii kwanirirwo ta muhotani wa githurano kiria turatabanirie thiku igiri hituku.

Matongoretio ni minista wa ugendi Najib Balala maugite akenya nimarenda mihang’o iigii githurano itirihwo niguo mahote gucokereria mihang’o yao ya oro muthenya ya gwaka bururi.  Ihinda-ini oro riu atongoria acio nimagathiriirie arumiriri a NASA mwena ucio aria maragomeire githurano no indi mararega gwikuruhania na ciiko itiganite cia wagarari wa watho.

Kungi nao atongoria ngurani kaunti-ini ya West Pokot matongoretio ni ngavana Prof. John Lonyangapuo onao nimanyitite mbaru ritana ria kuuria kamiti ya Ithurano na Mihaka IEBC yanirire mutongoria wa bururi ta muhotani wa githurano kiu.

Nao atongoria matiganite kaunti-ini ya Uasin Gishu matongoretio ni ngavana wa Jackson Mandago na mumbunge wa Kapseret Oscar Sudi maugite kwa ihinda ria mwaka umwe riria uteti ukoretwo ugithii nambere utonga wa bururi niuhotomete na gikiro kinene.

 

Show More

Related Articles