Kameme FmKameme Fm News

Ngavana Jackson Mandago kũgathĩrĩria mũingĩ wa Uasin Gishu nĩ kũhĩmbĩria thayũ gĩthurano-inĩ kĩa ira

Ngavana wa kaunti ya Uasin Gichu Jackson Mandago niagathiriirie muingi wa kaunti iyo niundu wa kuhimbiria thayu hindi ya githurano kia muthenya wa ira. Mandago augite riu gutiri na nganja ati aikari nimahotete guikarania na urumwe ona angikorwo mena ngurani cia kiuteti.

Oho nioritie aikari a kaunti iria cigatabania githurano muthenya wa ruciu matikanagerie guthararia mihang’o iyo.Ihinda-ini oro riu Mandago augite aikari a kaunti iyo nimarageririe kwiyumiria na njira nene gukiringithanio na kaunti iria ingi ona gutuika arauga namba iyo irari nini gukiringithanio na aria meyumiritie githurano-ini kia mweri wa Kanana.

Ateti ngurani kaunti-ini ya Uasin Gishu nimatugiritie arumiriri a ngwataniro ya NASA kaunti-ini iyo niundu wao kwaga gwikuruhania na nguui ona kana mirurungano ya kuregana na githurano. Matongoretio ni mumbunge wa Ainabkoi William Chepkut na murunawe wa Soy Caleb Kositany ningi nimathingatite arumiriri a NASA matikanagerie  guthararia githurano kia muthenya wa ruciu.

 

Show More

Related Articles