Kameme FmKameme Fm News

Atongoria matiganite kuuma gicigo kia Mt Kenya kwiranira ukuui wa tuhu muthenya wa ruciu

Mubango wa kurihira tigiti aikia kura a kaunti ya Murang’a no ugathii nambere muthenya wa ruciu. Deputy Chief Whip wa Jubilee mbunge-ini ya senate Irungu Kang’ata oritie aria matanyite gukainuka ruciu guthurana magekinyia thitenji-ini gatagati ga thaa ikumi na imwe cia ruci-ini nginya thaa mugwanja. Kang’ata augite matikahota guthii nambere na mihang’o iyo thutha wa thaa inyanya.
Ihinda-ini oriu Kang’ata niakeneire kuremwo kwa igoti ria Supreme gutiria githurano kia muthenya wa ruciu.
Nake ngavana Mwangi wa Iria uria ukunyabaraga mihang’o iyo umuthi oritie akenya aingi a wendi mwega na makiria onjoria kunyita itemi o ta riu niguo akenya aingi kuuma Mt Kenya makeyumiria guikia kura.
Mwena-ini wake mumbunge wa Kiharu Ndindi Nyoro niaugite niagakorwo na mubango ota ucio wa ukuui ruciu. Oho Ndindi Nyoro akauga niathaganitie mubango ungi wa ukuui gicigo-ini giake kia mbunge niguo guteithia akuru kumira.
Nayo kambuni ya Gakuyo Real estate na Ekeza sacco kugerera mutungatiri David Kariuki Ngare niyanirira kurekereria ngari 70 guteithiriria hari ukuui wa aikia kura kwambiriria hwaini wa umuthi.
Kungi nakuo ngavana wa Nyandarua Francis Kimemia rungu rwa unyitaniri na mumbunge wa Kinangop Thuku Kwenya nimerutiire gutigirira aria othe marathie guikia kura matuura matiganite kaunti-ini iyo matigukorwo makiriha niguo gutigirira mutongoria wa bururi niegwatira kura nyingi makiria. Ikinya o ta riu niritacukitio ni murugamiriri wa atumia kaunti-ini ya Kirinyaga Wangui wa Ngirici.
Show More

Related Articles