Kameme FmKameme Fm News

Nyina wa muiritu uria urahobanirio ni mutino wa ndege Nakuru kuringika na gukoma thibitari

Nyina wa muritu uria urahobanirio ni mutino wa ndege iria iraguire iria-ini ria Nakuru hamwe na andu angi ana, riu akomete thibitari akirigitwo thutha wa kuringika.

Kurerikana nyina wa Veronica Muthoni araringikire thutha wa kwamukira riboti ya mutino wa mwana wake uria niwe mukuru.

Veronicah Muthoni ni wa ukuru wa miaka 22 kuma ituura-ini ria Kambatini, na ararutaga wira tauni-ini ya Nakuru.

Angi marahobanirio mutino-ini ucio ni mutwarithia wa ndege iyo Apollo Malowa, Sam Gitau, Anthony Kipkoskei na John Mapozi.

Mihang’o ya gwethana na miiri ya othe atano niyambire gutirihwo thutha wa gutuka, na itanyitwo gucokereria muthenya wa ruciu ruci-ini.  Mabati mamwe na ndege iyo nimarutirwo maai-ini.

Show More

Related Articles