Kameme FmKameme Fm News

Aria magathoga githurano gia gucokerwo gwikora haceke

Mutongoria wa bururi Uhuru Kenyatta niarutite mukana kuri mundu wothe ungigeria guthoga githurano kia u-president muthenya wa Aramithi kiumia giukite.
Agitongoria maambura ma mwaka uyu ma Mashujaa kiharo-ini kia Uhuru park guku Nairobi, president niaugire thirikari niigacirithitie ugitiri bururi mugima gutigirira mukenya woothe uria urenda gugaikia kura nieka uguo na njira ya thayu atekugio nuu kana nuu.
President niaugire thirikari ndigwitikiria bururi uyu ucoke haria wari mwaka-ini wa 2007/2008 na ati niikung’ethanira na aria othe mangikoruo na  rithugunda ria gutobokia bururi uyu ugwati-ini.
President nioire mweke ucio kuuria muingi wa bururi ugetikira kumuikiria kura hindi ya githurano niguo arikie tabarira cia uthii wa nambere iria thirikari ya Jubilee yambiriirie.
Oho president nioririe muingi kuhoera bururi uyu na makiria muthenya wa Kiumia mahoya-ini ma kibururi maria aniriire.
Hindi ya mambura maya president niakuranire ahuraniri wiyathi na aria othe manyitite itemi hari kuhutia ngoro cia andu aria angi.
Mary Mokaya murutuo wa cukuru wa Moi girls guku Nairobi niakuraniruo ni ucamba na wirutire wake akigeria kuhonokia arutuo aria angi mutino-ini wa mwaki uria wonekire cukuru-ini ucio mieri iiri mihituku.
Mwena-ini wake munini wa president William Ruto niahinyiriirie bata wa gutia gatiba ya bururi na nikio president atiite uuge wa igoti ria supreme ria gucoka irebe-ini kiumia giukite.
Show More

Related Articles