Kameme FmKameme Fm News

Jubilee gũthitanga Raila Odinga igotini-inĩ rĩa Supreme nĩ kũnyarara itua rĩa gũcokerwo gwa gĩthurano

Kiama kia Jubilee nikiandikithirie ciira igoti-ini rikaru ria Supreme, guthitanga mutongoria wa NASA Raila Odinga niundu wa kunyarara watho wa igoti riu wa gucokerwo gwa githurano. Akihithuria itacukia riri mwandiki munene wa Jubilee Raphael Tuju erite andiki a mohoro ati matacukitie ikinya riu kuona Raila niathiite nambere gwikirira mihinga githurano kiria we etitie gicokerwo thiinii wa ciira wake.

Ihinda-ini o riu Jubilee niyagiire kiene ikinya ria muikariri giti wa kamiti ya ithurano Wafula Chebukati, ria kwenda guthinikiriria gutabanio kwa miario gatagati ka mutongoria wa bururi Uhuru Kenyatta na mung’etheri wake Raila Odinga.

Kungi nakuo murugamiriri wa atumia Nyeri Rahab Mukami nioritie mutongoria wa bururi ekire kirore ugaruruku watho-ini wa ithurano, niguo gwithema mihinga iria ithiite nambere kugathikwo ni NASA.

 

Show More

Related Articles